1
Saimaw Pity, Zisu Krista sei nata apôstôl chata—Zisu Krista eima Khazohpa nata Pachhatuhpa siana vâta ngiapâna sôh ngaitapa eima topa hawhta a to hrapazy hnohta:
2
Khazohpa nata eima Beipa Zisu Krista pahnona liana chata nama chô liata ngiachhiena nata adyhna papôhsapata y mawh sy.
3
Ano rônahna nata phana zawhzi ta hrona nata Khazohpa pachâna lâ kyh liana chata hmo zydua maniah pie tlôh ta,
4
chazy zawhzina chata a bietaipa sôh ngaitapa nata rônah ngaitapazy cha maniah a pie, chatanachata aohraona vâta khizaw liata paraona a vaw ypa he a râsaipata, cha bietaipa sôh ngaitapazy nata rônah ngaitapazy vâna chata Khazohpa nôchâ namâ hlykhei thei hra aw.
5
Cha vâna tlai chata tiama papuapata, namâ ngiapâna liana chata phana pahlao ula, nama phana liana chata pahnona pahlao ula,
6
nama pahnona liana chata a sohsina pahlao ula, namâ sohsina liana chata tiamana pahlao ula, nama tiamana liana chata Khazohpa pachâna pahlao ula,
7
nama Khazohpa pachâna liana chata unawhzy kyhpachâna pahlao ula, nama unawhzy kyhpachâna liana chata kyhpachâna pahlao teh u.
8
Chazy cha nama ei châpata a pôh lymâ tlôh khiahta cha, eima Beipa Zisu Krista pahnona kyh liana heta thathi leipa nata pathei leipata nama y lei nawpata a cha tao tyh ei.
9
Ahyrai cha hmozy a hnei leipa cha mochaopa châ ta, a hniapata dei hmô thei ta, hlâno ta moleinazy cha my ha tlôh ta.
11
chatanachata Zisu Krista eima Beipa nata Pachhatuhpa chhâzaw Khihnarâh liata a ngiana cha cha pahmôsa ngaita tlôh aw ei ta.
12
Cha vâta cha hmozy pahnopata bie hmeiseihpa nama hnohta a ypa liana chata namâ i tarawpata cha hmozy cha cha pahnokhei awpata khâ ei mâ thlâh ha aw.
13
He pôhpa liata ei y chhôhna heta, nâmo pahnokheipata cha pasyu ngâhpata a pha ei tah.
14
eima Beipa Zisu Krista ta eina pahnosapa hawhna khata, ei pôhpa so ti cha a tlô patoh aw tahpa pahno tlôh na ta.
16
Eima Beipa Zisu Krista hmotaotheizie nata a vy heihna kyh cha eima cha pahnosa nona ei khata, phôhpa bie so ngaitapata tao thlâhthlipazy a zyhpa châ leipa pi ta, a rônahna a hmôtuhpazy tlao eima châ mâ tâh.
17
Ano chata Paw Khazohpa tawhtapa palyupalihna nata rônahna hmô ta, cha nona chata rônah ngaitana tawhna chata he hawhpa ao he ano liata vaw tlô ta, “He he ei Sawchapawpa kho ngaitapa, ei ly ngaitapa cha a châ,” tahpata.
18
Tlâh pathaihpa liana chata a hnohta eima y nona khata cha ao cha avâ tawhta a vaw puapa keimo tlaita eima thei.
20
Khazohpa châ liata bie chhochhieliepa rai he ahyrai ta anosasyh ta chhopasia awpa châ vei, tahpa pahno tua ula,
21
bie chhochhieliepa rai he, chyhsapa bie ta a puapa châ beih tlôh leipata, chyhsazy ta Thlahpa Pathaihpa tuapata Khazohpa tawhtapa tlao ama reih tyh.;
