3998. Ngamazwi “ngesikhathi esizayo” kufanekiswa ukuthi kuze kube phakade. Lokhu kuchachiswa ngokufanekiswa nge “kusasa” noma nge “sikhathi esizayo”. Lapho eZwini kuphathwa “izolo”, “namhlanje”, noma “kusasa” kusuke kufanekiswa ukuthi kuze kube phakade engqondweni ephakeme kunazozonke. Ukuthi ngezwi “namhlanje” kufanekiswa iphakade kungabonwa ngenhla enombolweni 2838; ngokuba eZwini ngezikhathi kufanekiswa izimo; njenge “zinkathi”, “iminyaka”, “izinyanga”, “amasonto”, “izinsuku”, na “mahora”, njengoba sekukhonjiswe kaningi. Nokho lezizimo kazikho eNkosini, kuphela konke okwaYo kungokwaphakade futhi kakunasiphelo. Lokhu kukhombisa ukuthi nge “kusasa” kufanekiswa ukuthi kuze kube phakade.
