1
Machâ chata—
2
Kho ngaitapa y, na thlahpa châta byhnâ a hmôpa hawhta, ato liata byhnâ na hmô thei nawpa nata na tlâ thei nawpata thlah ei chhâ tyh.
3
Unawhpazy amâ vy nota, na hmeiseihzie bie hmeiseihpa liata na y tyhna cha, eina vaw pahnosa nona ei khata, aly ngaita tlôh na ta.
4
Ei sawzy bie hmeiseihpa liata ama y tahpa ei pahno hlei khô tawhta la aly viana rai hnei va na.
5
Kho ngaitapa y, unawhpazy khichhai châ hra ei sala, ama chôta na taopa maih liata ngâchhih ngaitapata tao tyh chi ta;
6
chazy chata awnanopa sahlao hmiakô liata na kyhpachâna ama pahnosa haw. Âmo cha ama khitlyna liana chata Khazohpa chyhsa ama châpa hawh tlaita na baokhâ khiahtala a pha aw.
7
Ano moh vâna chata ngiapâ leipazy tawhtapa khâpa hmahta la leipata, pua haw tlôh ei ta.
8
Chatanachata bie hmeiseihpa liata a hrialâhtuhpazy eima châ thei nawpata cha hawhpa chyhsazy cha eimâ baokha awpa a châ.
9
Awnanopa sahlao hnohna khata bie a chyhta cha ei roh haw; châhrasala Diôtrepha, ama hry liata a chôchaita y a khohpa khata ei biehneina cha a pyh khoh vei.
10
Chavâta ei vy khiahtala, a hmotaopazy ei pahnosa hra aw. Ei chô liata bie pualeipazy reipata a pakah zohzie he. Cha chhao cha a daih tah leipata, ano tlaita unawhpazy a ly khoh leipata, aly khohpazy chhao pakhâ ta, awnanopa sahlao hry tawhtapa a papua tyh ei.
11
Kho ngaitapa y, moleina cha a chu leipa la, hmo phapa tlao a chu teh. Hmo phapa a taotuhpa cha Khazohpa tawhtapa châ ta; moleina hmo a taotuhpa chata Khazohpa hmô beih vei.
13
Nâ lâta bie a hluhpi roh awpa hnei na ta, châhrasala, chârona nata châti ta na hnohta ro awpa khoh lei khâh na ta;
14
cha hmô patoh awpata ei hnabeiseih ta, cha tina chata hmia nata hmia a chhypata bie eima reih khoh aw.
15
Thlahlôhna na hnohta y se. Viasazy ta a châ naoh ei. Ama moh pado chyupata viasapazy cha nâ naohpa mah y.;