6009. Izahlukwana 5-7: “UJakobe wayesesuka eBeriSheba; amadodana ka-Israyeli amthwala uJakobe uyise, nezingane zawo, nawomkawo ezinqoleni abezithumile uFaro zokumthwala. Bathatha izinkomo zabo nempahla yabo ababeyizuze ezweni laseKhanani, bafika eGibhithe, uJakobe nayoyonke inzalo yakhe kanye naye. Amadodana akhe, namadodana amadodana akhe, namadodakazi amadodana akhe, nayoyonke inzalo yakhe wayiletha kanye naye eGibhithe”.
Ukuthi “UJakobe wayesesuka” kufanekisa ukukhanyiselwa kweqiniso langaphandle. Ukuthi “eBeriSheba” kufanekisa ukukhanyiselwa ngesu lemfundiso yesisa senhliziyo nenkolo. Ukuthi “amadodana ka-Israyeli amthwala uJakobe uyise” kufanekisa ukuthi amaqiniso kamoya noma angaphakathi athuthukisa amaqiniso emvelo noma angaphandle. Ukuthi “nezingane zawo” kufanekisa ukuthi kanye nezinto zobusulwa. Ukuthi “nomkawo” kufanekisa ukuthi kanye nezinto zesisa senhliziyo. Ukuthi “ezinqoleni abezithumile uFaro zokumthwala” kufanekisa izimfundiso eziphuma elwazini noma eziminyeni zeSonto. Ukuthi “Bathatha izinkomo zabo” kufanekisa ukulunga kweqiniso. Ukuthi “nempahla yabo ababeyizuze ezweni laseKhanani” kufanekisa amaqiniso azuzwe emaqinisweni eSonto angaphambili. Ukuthi “bafika eGibhithe” kufanekisa ukuthwasiswa eziminyeni zeSonto. Ukuthi “uJakobe nayoyonke inzalo yakhe kanye naye” kufanekisa izinto zeqiniso langaphandle nezazo zonke izinto ezimaqondana nalo. Ukuthi “Amadodana akhe, namadodana amadodana akhe” kufanekisa amaqiniso ngokuhleleka kwawo. Ukuthi “namadodakazi amadodana akhe” kufanekisa ukulunga ngokuhleleka kwakho. Ukuthi “nayoyonke inzalo yakhe” kufanekisa konke okwenkolo nokwesisa senhliziyo. Ukuthi “wayiletha kanye naye eGibhithe” kufanekisa ukwehliselwa noma ukulethwa kwalezozinto zenkolo nezesisa senhliziyo eziminyeni noma elwazini lweSonto.
