1
Zawpi hyutuhpa zy cha Zerusale liata pahrâ ei ta; pahrawh hryta pakha lymâ khihpi pathaihpa Zerusale liata pahrâsa awpa nata pahrawh hryta pachaki khih hropa liata a pahrâ awpa zy pahno nawpa ta a laibâhpa zawpi zy chhao chata pachao ei ta.
2
Palôh phapata ta Zerusale liata pahrâ awpa ta a pihpa zydua chata zawpizy reithaina hlao ei ta.
3
Hezy he cha râh liata hyutuhpa Zerusale liata a pahrâpa zy cha ama châ; anodeikuacha Zudah râh khihzy liana chata ama khih liata âmo to awpa chyu liata y ei ta: chazy cha Izarel sahlaozy, theihthaipa zy, Livai sahlao zy, achhyna-o chakaotuhpa zy sahlao nata Sawlawmaw chakaotuhpa zy pathla ama cha.
4
Zerusale liana chata Zudah pathla liatahpa nata Benzami pathla liatahpa zy ama y. Zudah pathlazy hry liatahpa: Pereza pathlazy hry liatahpa, Mahalale sawchapawpa Shephatiah, cha sawchapawpa Amariah, cha sawchapawpa Zekaria, cha sawchapawpa Athaiah, cha sawchapawpa Uziah nata
5
Shelôni chyhsa sawchapawpa Zekaria, cha sawchapawpa Zôiari, cha sawchapawpa Adai, cha sawchapawpa Hazai, cha sawchapawpa Kôhôze, cha sawchapapawpa Baruka, cha sawchapawpa Maasei.
6
Pereza pathla Zerusale liata a pahrâpa zydua cha chyhsa riahphapa za palih nata sycharu nata pacharie ama châ.
7
Benzami pathlazy hry liatahpa cha hezy he ama châ: Zesai sawchapawpa Ithiel, cha sawchapawpa Maasei, cha sawchapawpa Mesula, cha sawchapawpa Salu.
8
Ano tawhta Kabai nata Salai, chyhsa zachaki nata sy charie nata pacharie.
9
Zekri sawchapawpa Zôel cha ama hyutuhpa a châ; Hasenuah sawchapawpa Zudah cha khih hyutuh chaipa pazipa a châ.
10
Theihthaipa zy hry liatahpa: Zôiari sawchapawpa Zedaiah zy, Zaki zy,:
11
Khazohpa o hyutuhpa Ahitu sawchapawpa Merai, cha sawchapawpa Zadôka, cha sawchapawpa Mesula, cha sawchapawpa Hilkiah, cha sawchapawpa Seraiah zy,
12
ama unawhpa o liata hriatuhpa zy za charie nata syno nata pano châ ei ta; Malkiah sawchapawpa Pashu, cha sawchapawpa Zekaria, cha sawchapawpa Amazi, cha sawchapawpa Pelai, cha sawpawpa Zehôra, cha sawchapawpa Adai nata
13
a unawhpa zy, ama chhôhkha pawhrâhpa zy, za no nata sypalih nata pano châ ei ta, chatawhcha Ima sawchapawpa Mesilemô, cha sawchapawpa Ahazia nata
14
ama unawhpa chyhsa thatlôpa riahphapa za palih nata syno nata pacharie ama châ; ama hyutuhpa cha Hakdôli sawchapawpa Zabdiel châ ta.
15
Chatawhcha Livai sahlaozy hry liatahpa: Buni sawchapawpa Hasabiah, cha sawchapawpa Azrika, cha sawchapawpa Hashu, cha sawchapawpa Shemaiah zy:
16
Livai sahlao pawhrâhpa zy hry liatahpa Khazohpa o khôtho lâ raihria mohôhtuhpa Shabethai nata Zôzana zy;
17
Asapha sawchapawpa thlahchhâpa ta alyna bie a reituh chaipa Mataniah Mika sawchapawpa zy, a unawhzy hryta a pazipa Bebukia zy, Zeduthu sawchapawpa Kala, cha sawchapawpa Shamua, cha sawchapawpa Abada zy.
18
Khihpi pathaihpa liata Livai sahlao a ypa zydua cha za no nata sycharie nata papalih ama châ.
19
Chazy leipa chhao ochhivaihtuhpa Aku zy, Talmô zy nata ama unawhpa zy kuh chhikao a vaihtuhpa zy za kha nata pano châ ei ta.
20
A laibâhpa Izarel zy nata theihthaipa zy nata Livai sahlaozy cha Zudah râh khi to liata ano ryutona chyu liata y ei ta.
21
Achhyna-o chakaotuhpa sahlao deikua cha Ôphel liata pahrâ ei ta; Ziha nata Kispa cha achhyna-o chakaotuhpa sahlao hyutuhpa châ ei ta.
22
Zerusale liata Livai sahlaozy hyutuhpa cha Asapha saw hla satuhpa zy py liatahpa Mika, cha sawchapawpa Mataniah, cha sawchapawpa Hasabiah, cha sawchapawpa Bania, cha sawchapawpa Uzi châ ta, Khazohpa o raihria a pachâtuhpa a châ.
23
Ama chô lâta abei biepiepa y ta, a hla satuhpa zy cha nohchareih amâ daih awpa; ta niepa raopa y tlôh ta.
24
Zudah sawchapawpa Zera pathla liatahpa Meshezabel sawchapawpa Pethahia cha zawpizy chô lâta ato liata abei vyuhpa ta a ypa châ ta.
25
Chatawhcha ama khih nata râh kyh liata Zudah pathla thokhazy chata Kiriatharaba nata a khichapei liata zy, Dibô nata a khichapei liata zy, Zakazel nata a khichapei liata zy,
26
Zesua liata nata Môladah liata nata Bepele liata zy,
27
Hezashaul liata zy, Besheba nata a khichapei liata zy,
28
Zikla liata zy, Mekônah nata a khichapei liata zy,
29
Enrimô liata zy, Zaria liata zy, Zarmu liata zy,
30
Zanôa liata zy, Adula liata nata ama khichapei liata zy, Laki nata a râh liata zy, Azekah nata a khichapei liata zy y ei ta. Chatanachata Besheba tawhta Hinô saikao taihta yna su tao ei ta.
31
Benzami pathlazy cha Keba khô lâta Mikmasa liata zy, Aiza nata Bethel nata a khichapei liata zy,
32
Anathô liata zy, Nôba liata zy, Ananiah liata zy,
33
Hazô liata zy, Ramah liata zy, Kilai liata zy,
34
Hadi liata zy, Zabôi liata zy, Nebaia liata zy,
35
Lôda liata nata zôthaipazy saikao Ônô liata zy y ei ta.
36
Chatawhcha Zudah râh liata a y tyhpa Livai sahlao py thokhazy cha Benzami râh liata a hlao haw ei ta.
