7600. Izahlukwana 31-35: “Kwashaywa ifulekisi (flax) nebhali (barley); ngokuba ibhali yayikhahlele, nefulekisi laliyigaba (stalk). Kepha ukolweni nespelithe (spelt) kakushaywanga ngoba kwakungakakhuli. UMose waphuma emzini kaFaro, welula izandla zakhe kuJehovah; kwanqamukake ukuduma nesichotho, kalabe lisana emhlabeni. UFaro esebonile ukuthi imvula nesichotho nokuduma sekunqamukile, wabuye wona, wayenza yaba nenkani inhliziyo yakhe, yena nezinceku zakhe. Inhliziyo kaFaro yayilukhuni, kabavumelanga abantwana bakwa-Israyeli ukuba bahambe, ngesandla sikaMose.”
Nge“fulakisi” kufanekiswa iqiniso langaphandle lomuntu ongaphandle. Nge “bhali” kufanekiswa ukulunga kwangaphandle komuntu ongaphandle. Ukuthi “kwashaywa” kufanekisa ukuthi kwabhubha. Ukuthi “ngokuba ibhali lalikhahlele, nefulakisi laliwugaba” kufanekisa ukuthi lokhokulunga kwakuqhamile noma kusobala futhi kubheke phansi. Ukuthi “Kepha ukolweni nespelithe” kufanekisa ukulunga kwangaphakathi komuntu ongaphandle neqiniso lakho. Ukuthi “kakushaywanga” kufanekisa ukuthi lokhokulunga kakubhujiswanga”. Ukuthi “ngokuba kwakucashile” kufanekisa ukuthi ngenxa yokuthi kwakungaqhamile futhi kubhekise amabombo akho engaphakathini. Ukuthi “UMose waphuma kuFaro, emzini” kufanekisa ukwahlukaniswa nabantu abahluphayo. Ukuthi “welula izandla zakhe kuJehovah” kufanekisa ukulamula noma ukulamulela. Ukuthi “kwanqamukake ukuduma nesichotho” kufanekisa ukuphela kwalesosimo. Ukuthi “kalabe lisana emhlabeni” kufanekisa ukuthi lawomanga kawabange esabonakala. Ukuthi “UFaro esebonile” kufanekisa ukubona ngengqondo. Ukuthi “ ukuthi imvula, nesichotho, nokuduma sekunqamukile” kufanekisa ukuthi lapho esebonile ukuthi lesosimo sokubhubha ngesu lalezizinto sesiphelile. Ukuthi “wabuye wona” kufanekisa ukuthi wabuye wahoxa. Ukuthi “wayenza yaba nenkani inhliziyo yakhe, yena nezinceku zakhe” kufanekisa inkani. Ukuthi “Inhliziyo kaFaro yabalukhuni” kufanekisa ukuthi ububi babuwumsuka wenkani yabo. Ukuthi “kabavumelanga abantwana bakwa-Israyeli ukuba bahambe” kufanekisa ukuthi Ngakho-ke kabadedelwanga. Ukuthi “njengalokho uJehovah eshilo” kufanekisa ukuthi njengokuvumelana nokwakubikezelwe ngaphambili. Ukuthi “ngesandla sikaMose” kufanekisa ukuthi ngesu lomthetho ophuma kuNkulunkulu.
