3860. Ngamazwi “ULeya wakhulelwa, wazala indodana” kufanekiswa ukukhulelwa kukamoya nokuzalwa kokungaphakathi kuzalwa wokungaphandle. Lokhu kuchachiswa wukufanekiswa kokuzalwa kabusha ngo “kukhulelwa nokuzala” engqondweni engaphakathi, ngokuba ukuzalwa kabusha komuntu kunjengokukhulelwa nokuzalwa kabusha komuntu, okuyisizathu sokuba ukuzalwa kabusha kubizwe ngokubelethwa kabusha, kepha kukamoya. Imbala umuntu uzalwa ngabazali bakhe njengomuntu, kepha kabi ngumuntu wempela noma ophelele engakazalwa yiNkosi kabusha. Impilo kamoya yobuzulu yilokho okwenza umuntu aphelele, ngokuba yileyompilo eyahlukanisa umuntu ezilwaneni. Lokhu kukhulelwa nokuzala yikhona okufanekiswa eZwini ngokukhulelwa nokuzala kwabobonke abantu abaphathwa kulo, nokufanekiswa lapha ngamazwi “ULeya wakhulelwa, wazala indodana”. Ukuthi yizizukulwane nokuzalwa kwenkolo nothando okufanekiswayo kungabhekwa ezinombolweni 613, 1145, 1255, 2020, 2584, 3856. Lokho kukhulelwa nokuzala kungukukhulelwa kokungaphandle nokuzalwa kokungaphakathi, okuyikhona okufanekiswa ngamazwi “ULeya wakhulelwa, wazala indodana”; ngokuba ngo “Leya” kufanekiswa inkanuko yokukhanukela iqiniso langaphandle (bheka izinombolo 3793, 3819), nango “Rubheni” kufanekiswa isigaba sokuqala sokuzalwa kabusha kanye nengaphandle lomuntu lapho ukuzalwa kwakhe kabusha kuqala khona. Okugudliswa yikhokonke lokhu kuzovela kokulandelayo okumayelana nezingane zikaJakobe ezazizalwa nguLeya noRasheli.
