1
Machâ chata –
2
kyh ei cha pachâ hmeiseih ei; keima dei châ leipata, bie hmeiseihpa a pahnopa maih chhaota a châ.
3
Paw Khazohpa nata Paw Sawchapawpa Zisu Krista tawhtapa, ngiachhiena zy, zawngiahna zy, adyhna zy cha, bie hmeiseihpa nata kyhpachâna ta eima hnohta a y aw.
4
Paw tawhta biepiepa hawhna khata na saw ahyzy tlyma bie hmeiseihpa liata a ypa ei hmôpa vâta ei ly ngaita kaw.
5
Chanô phapa y, na hnohta biepiena thiehpa ropa hawhta châ leipata, a thao tua no tawhta eima hneipa hawhpa kha tlao ropata, kyh eimâ pachâ rairie nawpata ei châ haw chaimâh.
6
He he kyhpachâna a châ, ano biepiepa lymâ hawhta eima ypa he; biepiepa, a thao tua no tawhta nama theipa hawhpa cha he he a châ, cha liana chata nama zi awpa a châ.
7
Dôtuhpa hluhpi cha khizaw liana heta vaw pua haw tlôh ei ta, Zisu Krista cha sapa ta a vy tahpa a pyh khoh leituhpa chyhsazy cha. Cha hawhpa chyhsa cha dôtuhpa nata Krista adyuhtuhpa cha a châ.
8
Nama hria chiehpazy kha pahlei leipata, a mâ cha a kipata tlao nama hmô thei nawpata a hrôbieh teh u.
9
Ahyrai Krista pachuna bie liata y thlâh ha leipata, a khôpa chata Khazohpa hnei vei; cha pachuna bie liata a y thlâh hapa deikua chata cha tlai chata Paw nata Sawchapawpa a hnei pabao.
10
Ahyrai cha pachuna bie a vaw chei leipata, nâmo lâ a vy khiahtala nama o liata patlôsa leipa ula,
11
reikah phapa chhao a hnohta hlâ hra khah u; “reikah phapa a hlâtuhpa cha ano hmoparaona liana chata a hlao hra tlôh ta.
12
Nama hnohta bie hluhpi roh awpa hnei hra aw sala, châhna nata châti hmâpa khoh va na, eimâ lyna a ki thei nawpata nâmo lâ a vypata, hmia nata hmia a chhypata bie a chho awpa ei hnabei tlao a sei via.
13
Na narônô atlypa sawzy ta a châ naoh ei.;
